Թուրքական դատարանը արդարացրել է Ստամբուլի նախկին քաղաքապետ Էքրեմ Իմամօղլուին, ով մեղադրվում էր կոռուպցիայի համար, հաղորդում է Cumhuriyet թերթը։
Իմամօղլուի և ևս վեց անձանց դեմ գործը հարուցվել է 2023 թվականի հունվարին։ Մեղադրող կողմը պնդում էր, որ Իմամօղլուն 2015 թվականին Բեյլիքդյուզուի նահանգապետ լինելու ժամանակ մասնակցել է մրցույթների կեղծմանը։ Քաղաքական գործչին սպառնում էր երեքից յոթ տարվա ազատազրկում։
Քաղաքական գործչի փաստաբան Նուսրեթ Յըլմազը ուրբաթ օրը կայացած դատական նիստում բողոքել է, որ մեղադրող կողմը հինգ նիստերից հետո չի կարողացել պատրաստել մեղադրական եզրակացությունը։
«Դատարանը կոռուպցիայի գործով արդարացրել է Իմամօղլուին և Բեյլիքդուզուի նահանգապետարանի վեց նախկին աշխատակիցների՝ այն հիմքով, որ հանցագործության որևէ ապացույց չի հայտնաբերվել», – գրում է թերթը։