«Մեր ձեւով» շարժման համակարգող խորհրդի անդամ Գոհար Ղումաշյանը գրում է.
«Երբ հարվածեն հովվին, գառները կցրվեն… և գայլերը կբազմանան»
Մաթեոս 26:31
Կարգալույծ մատնիչ-հոգևորականի գլխավորությամբ տեղի է ունենալու պատարագ, որին առաջիկա կիրակի մասնակցելու է նաև իշխանությունը: Այս կեղծ-պատարագով և հոգևորորսության հավաքով ուզում են պառակտել մեր եկեղեցին: Փոքրիկ խմբակը ունի հրեշավոր նպատակ՝ ստեղծել հակաթոռ կաթողիկոսութուն: Եվ կբաժանեն հավատացյալներին, նորից կթշնամանանք իրար դեմ, ավելի շատ կատենք իրար: Կլինենք ոչ միայն տարբեր կուսակցականներ, այլև տարբեր` «կաթողիկոսականներ»: Սա մեր պետության խայտառակությունը կդառնա: Նման իրավիճակ թույլ տալ չի կարելի:
Սիրելի հավատացյալներ, կիրակի օրը մի գնացեք կարգալույծ հոգևորականի պատարագին, մի մասնակցեք հանցագործությանը, մի բաժանեք մեզ: Ուր էլ լինենք, քաղաքական ինչ կուսակցությունում էլ լինենք մեր եկեղեցին մեկն է:
Եվ ուրեմն եկեք մնանք միասնական:
Եղիցի լույս: