Փարիզի Լուվրի թանգարանի տնօրեն Լորենս դե Կարը առաջին անգամ մեկնաբանել է 88 միլիոն եվրո արժողությամբ զարդերի կողոպուտը, գրում է BBC-ին։
Նա Սենատի լսումների ընթացքում խոստովանել է, որ թանգարանը չի կարողացել ժամանակին հայտնաբերել գողերին և կանխել կողոպուտը։
Տնօրենը նշել է, որ թանգարանի անվտանգության համակարգը հնացած է․ պարագծի տեսախցիկները թույլ են և արդեն երկար տարիներ չեն արդիականացվել։
Միակ տեսախցիկը, որը վերահսկել է Ապոլլոնի պատկերասրահը, որտեղ պահվում էին զարդերը, ուղղված էր սխալ ուղղությամբ և չէր ֆիքսել այն հատվածը, որտեղից ներխուժել են գողերը։
Դե Կարի խոսքով, դեռ 2021 թվականին էր զգուշացրել թանգարանի տեխնիկական խնդիրների մասին։
Անվտանգության բարելավման աշխատանքները նախատեսվում է սկսել 2026 թվականի սկզբին, սակայն դա կարող է լինել բարդ գործընթաց՝ հաշվի առնելով ենթակառուցվածքների վիճակը։
Նա նաև հաստատել է, որ կողոպուտից հետո հրաժարական էր ներկայացրել, բայց այն մերժվել է։
Գողացված ութ զարդերից մեկը՝ կայսրուհի Եվգենիային պատկանած թագը, վերադարձվել է ոստիկանության կողմից, թեև վնասված։ Ըստ տնօրենի՝ այն հնարավոր է վերականգնել։