Aysor.am-ի տեղեկություններով՝ Գյումրիում երեկ ծավալված իրադարձությունների հետքերով այսօր ևս բազմաթիվ մարդկանց են բերման ենթարկել և ձերբակալել։
Նրանց թիվն այնքան շատ է, որ Շիրակի մարզի ՁՊՎ-ներում արդեն չեն կարողանում տեղավորել, ձերբակալվածների մի մասին ստիպված տեղափոխում են Արտաշատ։
Հիշեցնենք՝ երեկ իրավապահները գործողություններ էին իրականացրել Գյումրու քաղաքապետարանում և ձերբակալել քաղաքապետ Վարդան Ղուկասյանին ու ևս 7 հոգու։
Քաղաքապետարանի մոտ բազմաթիվ քաղաքացիներ էին հավաքվել՝ իրենց դժգոհությունը արտահայտելով այս գործողություններին և աջակցություն հայտնելով Վարդան Ղուկասյանին։ Քաղաքացիներից շատերին՝ մի քանի տասնյակ հոգու, նույնպես բերման էին ենթարկել։
Այսօր ձերբակալությունները շարունակվում են։