Ֆուտբոլի կանոնները կարգավորող Միջազգային ֆուտբոլային ասոցիացիաների խորհուրդը (IFAB) նոյեմբերին կքննարկի խաղից դուրս վիճակի կանոնները փոխելու հարցը, հաղորդում է Cadena SER-ը։
Կան ծրագրեր ներդնելու այսպես կոչված «Վենգերի կանոնը». խաղից դուրս վիճակ է հայտարարվում միայն այն դեպքում, եթե հարձակվող խաղացողի ամբողջ մարմինն ավելի մոտ է դարպասային գծին, քան պաշտպանվող խաղացողինը։ Այն իրավիճակը, երբ մարմնի առնվազն մեկ մասը, որը կարող է օգտագործվել գոլ խփելու համար, գտնվում է վերջին պաշտպանի գծի վրա կամ դրանից առաջ, չի համարվի խաղից դուրս վիճակ։
Առաջարկվող փոփոխությունը նպատակ ունի պարզեցնել մրցավարությունը՝ վերացնելով վիճահարույց դրվագները, երբ խաղից դուրս վիճակ է հայտարարվում խաղացողի մարմնի որոշակի մասի հիման վրա։ Կանոնի փոփոխության վերաբերյալ վերջնական որոշումը, ինչպես սպասվում է, կկայացվի ՖԻՖԱ-ի կոնգրեսում 2026 թվականի մարտին։
Նորարարությունը մի քանի տարի առաջ նախաձեռնել էր «Արսենալի» նախկին գլխավոր մարզիչ Արսեն Վենգերը, որն այժմ զբաղեցնում է ՖԻՖԱ-ի գլոբալ ֆուտբոլի զարգացման բաժնի ղեկավարի պաշտոնը։