Ֆրանսիայի ազգային հավաքականի հարձակվող Կիլիան Մբապեն Movistar-ի հետ հարցազրույցում հայտարարել է, որ ՊՍԺ-ի ու Մադրիդի «Ռեալի» միջև միակ տարբերությունն այն է, որ «Ռեալն» աշխարհի լավագույն ակումբն է, հայտնում է Foot Mercato-ն:
«Միակ տարբերությունն այն է, որ «Ռեալն» աշխարհի լավագույն ակումբն է: Դուք տեսել եք բոլոր այն խաղացողներին, որոնք այնտեղ են եղել և նրանց նվաճած տիտղոսները: Ինքնըստինքյան ճնշում եք գործադրում ինքներդ ձեզ վրա՝ հաջողությունների հասնելու համար:
Ես սովոր եմ ուրիշների ճնշմանը: Բայց այս պարագայում ինքդ քեզ ասում ես. «Ես աշխարհի լավագույն ակումբում եմ, պետք է հաղթեմ, հաջողության հասնեմ, օրինակ լինեմ թիմակիցներիս, մարդկանց համար»: Դա ճնշում է, որը դուք եք գործադրում ինքներդ ձեզ վրա, և դա դրական է, քանի որ դա օգնում է բարձրացնել նշաձողը»,- ասել է 26-ամյա ֆրանսիացին: