Իսրայելի զինվորական ծառայությունը հայտնել է, որ պատանդների երկրորդ խումբը վերադարձել է Գազայից։ Այսօր ավելի վաղ ազատ արձակված 7 գերիների հետ միասին՝ բոլոր ողջ մնացած 20 գերիներն այժմ գտնվում են Իսրայելի տարածքում։
Զինվորականների հաղորդագրության համաձայն՝ վերադարձած պատանդներն անցնում են բժշկական զննություն։ Նրանք ստանում են նաև հոգեբանական աջակցություն մինչև իրենց ընտանիքների հետ վերամիավորումը։
Իսրայելի բանակի տվյալներով՝ այսօր առաջին փուլով ազատ արձակված 7 գերիներից 3-ը՝ Ալոն Օհելը, Գայ Գիլբոա-Դալալը և Օմրի Միրանը, նախնական բուժզննումից հետո Իսրայելի ռազմաօդային ուժերի ուղղաթիռներով տեղափոխվել են հիվանդանոց։
Այնտեղ նրանք կստանան լրացուցիչ բժշկական օգնություն և կմիանան իրենց ընտանիքներին։