Կառավարության որոշոմամբ Վայոց ձորի մարզպետ Կոլյա Միքայելյանին կփոխարինի Ջերմուկ համայնքի ղեկավար Վահագն Արսենյանը, տեղեկանում ենք գործադիրի պաշտոնական կայքից։
Մարզպետի փոփոխության նախագիծը ներառված է կառավարության հոկտեմբերի 9-ի նիստի օրակարգում։
Միքայելյանը մարզը ղեկավարում է 2023-ից։ Արսենյանը Ջերմուկի քաղաքապետն է 2021 թվականից։ Արսենյանը 2015-2021 թվականներին աշխատել է «Ջերմուկ Գրուպ» ՓԲԸ-ում՝ որպես գործադիր տնօրեն: Արսենյանի հայրը՝ Աշոտ Արսենյանը, 2003-ին ընտրվել էր Ազգային ժողովի պատգամավոր՝ Հայաստանի Հանրապետական կուսակցության համամասնական ընտրակարգով։
