7 հոկտեմբերի 2025 – 11:57 AMT
PanARMENIAN.Net – ՀՀ ներքին գործերի նախարարությունից տեղեկացրել են, որ նախագործարկվել է քաղաքացիության գործերի կառավարման էլեկտրոնային հարթակը։
2026 թվականի հունվարի 1-ից սկսած՝ քաղաքացիության ձեռքբերման կամ դադարեցման համար դիմումների ընդունումն ու հերթագրումը կիրականացվեն բացառապես կայքի միջոցով։
Հարթակի միջոցով դիմող քաղաքացիներն արդեն կկարողանան՝
- գրանցվել առցանց,
- ձևավորել, խմբագրել և ուղարկել ՀՀ քաղաքացիություն ստանալու կամ դադարեցնելու նախնական դիմում,
- ամրագրել Միգրացիայի և քաղաքացիության ծառայություն այցելության օր՝ ոչ շուտ, քան 2026 թվականի հունվարի 22-ը։
Վարչական գործընթացի որոշ փուլում դիմող անձից կպահանջվի մեկ անգամ անձամբ ներկայանալ Միգրացիայի և քաղաքացիության ծառայություն՝ ֆիզիկական նույնականացման և փաստաթղթերի բնօրինակների ստուգման նպատակով։