Այսօր Թուրքիայի նախագահ Ռեջեփ Թայիփ Էրդողանը զանգահարել է Ադրբեջանի նախագահ Իլհամ Ալիևին՝ շնորհավորելու նրան ծննդյան օրվա առիթով։
Ադրբեջանական լրատվամիջոցների հաղորդմամբ, հեռախոսազրույցի ընթացքում նրանք քննարկել են Ադրբեջանի և Հայաստանի միջև հարաբերությունների կարգավորման գործընթացը, տարածաշրջանային անվտանգության հարցեր, «գոհունակությամբ նշել են Ասադի վարչակարգի տապալումից հետո Սիրիայում տեղի ունեցած դրական զարգացումները, համաձայնեցվել են համատեղ ջանքերը Սիրիայի սոցիալ-տնտեսական զարգացման համար»։
Պետությունների ղեկավարները վստահություն են հայտնել, որ «երկու երկրների միջև բարեկամական, եղբայրական և ռազմավարական հարաբերությունները կշարունակեն հաջողությամբ զարգանալ բոլոր ոլորտներում, և մտքեր են փոխանակել համագործակցության և հետագա շփումների հեռանկարների շուրջ»։
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: