Եվրամիությունը պատրաստվում է Ուկրաինայի անդամակցությանը համայնքում։ Այս մասին հայտարարել է Եվրոպական խորհրդի նախագահ Անտոնիո Կոստան Կոպենհագենում ԵՄ պետությունների և կառավարությունների ղեկավարների ոչ պաշտոնական գագաթնաժողովից հետո կայացած մամուլի ասուլիսում։
«Մենք նաև հող ենք նախապատրաստում Ուկրաինայի՝ Եվրամիությանը անդամակցելու համար։ Հիմա Եվրամիության հերթն է կատարել իր պարտավորությունները», – ասել է նա։ Նա հավելել է, որ Եվրահանձնաժողովը ճանաչում է Կիևի կողմից ԵՄ-ին անդամակցելու հետ կապված բարեփոխումները։ Նա պնդել է, որ «ընդլայնումը կամրապնդի Եվրոպան»։
Ավելի վաղ Հունգարիայի վարչապետ Վիկտոր Օրբանը դեմ էր արտահայտվել Ուկրաինայի՝ ԵՄ անդամակցությանը՝ ընդգծելով, որ դա կնշանակի պատերազմ Եվրոպայում: Նա ասել է, որ Կիևի ասոցացումը ԵՄ-ի հետ ընդունելի է, բայց «անդամակցությունը չափազանց շատ է»: