Լեհաստանի ազգային պաշտպանության նախարար Վլադիսլավ Կոսինյակ-Կամիշը հայտարարել է, որ Լեհաստանը և ՆԱՏՕ-ն ամբողջությամբ պատրաստ են խոցել երկրի օդային տարածքը խախտող ռազմական ինքնաթիռները։
«ՆԱՏՕ-ն պատրաստ է խոցել ինքնաթիռները», – ասել է Կոսինյակ-Կամիշը՝ պատասխանելով TVN24 հեռուստաալիքի լրագրողի հարցին։
Նա հավելել է, որ «յուրաքանչյուր որոշում կայացվում է հրամանատարների և օդաչուների կողմից՝ կոնկրետ իրավիճակը քննարկելուց հետո»։
Լեհաստանի պաշտպանության նախարարության ղեկավարը շեշտել է.
«Հրամանատարներն իրավունք ունեն որոշումներ կայացնել, որոնք պաշտպանում են Լեհաստանը: Զինվորականներն իրավունք ունեն որոշումներ կայացնել. նրանց տրվել է կանաչ լույս, ինչպես անօդաչու թռչող սարքերի դեպքում»:
Նա հավելել է, որ վերջին 48 ժամվա ընթացքում տասը զրույց է ունեցել այլ երկրների, այդ թվում՝ Գերմանիայի և Նորվեգիայի պաշտպանության նախարարների հետ։
«Կա ընդհանուր դիրքորոշում՝ արձագանքել, զսպել և համարձակ որոշումներ կայացնել։ Հենց սա է մեզ պարտավորեցնում ՆԱՏՕ-ի Գերագույն հրամանատարությունը», – ասել է Կոսինյակ-Կամիշը։