Երեքշաբթի երեկոյան Ֆիլիպիններում՝ Սեբու նեղուցի ափին, տեղի է ունեցել ուժեղ երկրաշարժ, որի հետևանքով զոհվել է 69 մարդ: Զոհերի թիվը կարող է աճել, քանի որ փրկարարները շարունակում են մաքրել փլատակները:
6.9 մագնիտուդով երկրաշարժը սկսվել է տեղական ժամանակով մոտավորապես ժամը 22:00-ին:
Ինչպես հաղորդել է պետական սեյսմիկ ծառայությունը, տարածաշրջանում արդեն գրանցվել է առնվազն 611 հետցնցում: Հետցնցումները դեռ շարունակվում են: