22 սեպտեմբերի 2025 – 11:49 AMT
PanARMENIAN.Net – Կենտրոն վարչական շրջանի և «Կերոն» զարգացման հիմնադրամի համատեղ ջանքերով Երևանի Օղակաձև զբոսայգու 6-րդ հատվածում՝ Սուրբ Գրիգոր Լուսավորիչ մայր եկեղեցու հարևանությամբ բացվել է մայրաքաղաքի ամենամեծ անվճար հանրային խաղահրապարակը:
Այն համապատասխանում է ներառական ու միջազգային չափանիշներին և զբաղեցնում է մոտ 2000 քմ տարածք:
«Կարմրախայտ. թաքնված գետի գաղտնիքները» խաղահրապարակը նախատեսված է 0-12 տարիքային խմբերի երեխաների համար։ Խաղահրապարակի ստեղծման աշխատանքներում ներգրավվել են միջազգային մասնագիտացած թիմեր:
Խաղահրապարակը ներառում է ինչպես միջազգային ստանդարտներին համապատասխան խաղասարքեր, այնպես էլ հատուկ պատվերով Երևանի համար ստեղծված խաղային սարքավորումներ աշխարհի առաջատար արտադրողներից։