Ռուս-ուկրաինական հակամարտությանն է անդրադարձել ԱՄՆ նախագահի բանագնաց Քիթ Քելոգը, որն ավելի վաղ մեկնել էր Կիև: Նրա խոսքով՝ Դոնալդ Թրամփն անսասան է պատերազմը դադարեցնելու հարցում:
«Նա առաքելություն ունի՝ ապահովելու Ուկրաինայի հերոսների պայծառ ապագան»,- նշել է Քելոգը:
Թրամփն էլ դիմել է ՆԱՏՕ-ի անդամներին և այլ երկրների, հայտարարելով՝ պատրաստ է Ռուսաստանի նկատմամբ լուրջ պատժամիջոցներ կիրառել, եթե Հյուսիսատլանտյան դաշինքի բոլոր երկրները նույնն անեն ու այլևս Ռուսաստանից նավթ չգնեն։
«Դա թուլացնում է ձեր բանակցային դիրքերը և երկարաձգում պատերազմը»,- հավելել է Սպիտակ տան ղեկավարը: