Մադրիդի «Ռեալը» որոշել է բաժանվել երկու խաղացողից։ Ինչպես հաղորդում է Defensa Central-ը՝ հղում անելով AS պարբերականին, մադրիդյան ակումբը չի երկարաձգի պայմանագրերը պաշտպաններ Դավիդ Ալաբայի և Անտոնիո Ռուդիգերի հետ։
33-ամյա Ալաբայի և 32-ամյա Ռուդիգերի «արքայական» ակումբի հետ գործող պայմանագրերի ժամկետը նախատեսված է մինչև 2026 թվականի կեսերը։ Հետևաբար, պաշտպանները կարող են լքել մադրիդյան ակումբը որպես ազատ գործակալներ հաջորդ ամռանը։
Միաժամանակ, աղբյուրը նշում է, որ «սերուցքայինների» տրանսֆերային նպատակը «Լիվերպուլի» ֆրանսիացի պաշտպան Իբրահիմա Կոնատեն է։
Հետաքրքիր է, որ նա կարող է մադրիդյան գրանդին միանալ որպես ազատ գործակալ․ 26-ամյա Կոնատեի գործող պայմանագրի ժամկետը «Լիվերպուլի» հետ նախատեսված է մինչև ընթացիկ մրցաշրջանի ավարտը։