Իշխանությունները հրահանգել են իրավապահներին «Տաշիր» ընկերությունների խմբի նախագահ, բարերար Սամվել Կարապետյանի նախաձեռնությամբ հիմնադրված «Մեր ձևով» ժողովրդական շարժման մասնակիցների նկատմամբ հարուցել քրեական գործեր, գրել է «Հրապարակ» օրաթերթը՝ հղում անելով իր աղբյուրներին
Ըստ թերթի՝ նրանց հանձնարարվել է հետևել շարժման գործունեությանը և հնարավորինս հնչեղ վարույթներ հարուցել՝ ամեն գնով նոր քաղաքական ուժի ձևավորմանը խոչընդոտելու համար։
Շարժման հիմնադիրներն ու անդամները մարզերում ակտիվ խմբեր են ձևավորում, հավաքագրում մարդկանց, 4-5 հոգանոց խմբեր են ձևավորվում, իսկ համացանցում շուրջօրյա գովազդ է միացված, որը կոչ է անում մարդկանց միանալ շարժմանը, իսկ նման գործընթացն «առանց ֆինանսների հնարավոր չէ իրականացնել», շեշտել է լրատվականը։
Հունիսին «Տաշիր» խմբի նախագահն աջակցել էր Հայ Առաքելական եկեղեցուն՝ հոգևորականների հասցեին իշխանությունների քննադատությունների ֆոնին։
Հունիսի 18-ին գործարարը երկու ամսով կալանավորվել էր՝ իբր իշխանությունը զավթելու կոչի մեղադրանքով: Հուլիսի 4-ին Կարապետյանը հայտարարել էր, որ վարչապետ Նիկոլ Փաշինյանը և նրա կառավարությունն «անելիք չունեն Հայաստանում»։ Հուլիսի 14-ին գործարարը հայտնել էր նոր քաղաքական թիմի ձևավորման մեկնարկի մասին։
Օգոստոսի 15-ին դատարանը 2 ամսով երկարաձգել էր Կարապետյանի կալանքը, սեպտեմբերի 8-ին մերժել էր գործարարի խափանման միջոցը փոխելու միջնորդությունը։
Օգոստոսի 29-ին Երևանում տեղի էր ունեցել Կարապետյանի «Մեր ձևով» շարժման շնորհանդեսը։ Շարժումը, որն աշխատել է 5 ուղղությամբ, ծրագրային աշխատանքները կավարտի 4-5 ամսվա ընթացքում, որից հետո քաղաքական հայտ կներկայացնի։
Կարդացեք նաև՝
«Պայքար՝ մեր ձևով». Երևանում հավաք ու երթ է անցկացվել՝ ի աջակցություն Սամվել Կարապետյանի
Ինչո՞ւ են Սամվել Կարապետյանին կալանավորել. եկեղեցի, քաղաքականություն, ներդրումային ռիսկեր
«Չուլանացված» եկեղեցիներից մինչև կաթողիկոսի փոփոխության կոչ․ ի՞նչ օրակարգ է փորձում պարտադրել Փաշինյանը
«Իրավական ամենաթողություն է»․ Սամվել Կարապետյանի փաստաբանները կբողոքարկեն կալանքը երկարաձգելու որոշումը
«Լսել մարդկանց և կիսել գաղափարները»․ կայացավ Սամվել Կարապետյանի «Մեր ձևով» շարժման շնորհանդեսը
