Իսրայելի բանակը վերահսկում է Գազայի հատվածի ավելի քան 80%-ը, շաբաթ օրը հայտարարել են պաղեստինյան կիսաէքսկլավի իշխանությունները։
«Օկուպացիոն ուժերը վերահսկում են Գազայի հատվածի ավելի քան 80%-ը՝ ռազմական ուժի և բնակչության հարկադիր տեղահանման միջոցով», – ասվում է սոցիալական ցանցերում տեղադրված հայտարարության մեջ։
Գազայի հատվածի վարչակազմի տվյալներով՝ պատերազմի 700-րդ օրը զոհվածների և անհետ կորածների թիվը գերազանցել է 73,7 հազարը, այդ թվում՝ ավելի քան 20 հազար երեխա։ Զոհվածների թվում են բժշկական խմբերի 1670 աշխատակից, 248 լրագրող և Գազայի հատվածի քաղաքացիական պաշտպանության ծառայության 139 աշխատակից։
Ռազմական գործողությունների ընթացքում ենթակառուցվածքային օբյեկտների գրեթե 90%-ը լիովին ավերվել է, այդ թվում՝ 38 հիվանդանոց, 833 մզկիթ և 163 կրթական հաստատություն։ Նախնական գնահատականներով՝ պատճառված վնասը գերազանցում է 68 միլիարդ դոլարը։