Խնդիրներ են նկատվում Google որոնողական համակարգում, Gmail–ում, մի շարք այլ հավելվածներում
ԵՐԵՎԱՆ, 4 սեպտեմբերի․/ԱՌԿԱ/․ Հայաստանցի և մի շարք այլ երկրների օգտատերեր զանգվածաբար բողոքում են Google–ի ծառայությունների աշխատանքի խափանումից։
Խնդիրներ են նկատվում Google որոնողական համակարգում, Gmail–ում, մի շարք այլ հավելվածներում, հայտնում է downdetector–ը։
Նշվում է, որ կայքերն ամբողջությամբ անհասանելի են, խնդիրներ են առաջանում էջերի բեռնման հետ, անհնար է օգտվել էլեկտրոնային փոստից։
Ամենից շատ խափանումից տուժել են Windows համակարգով աշխատող համակարգիչների օգտատերերը։ Խնդիրների մասին հայտնում են նաև Android սարքերի սեփականատերերը, ինչը հատկապես կարևոր է այն շարժական օգտատերերի համար, որոնք սովոր են մշտապես օգտվել Google-ի ծառայություններից։