Աֆղանստանում տեղի ունեցած 6 մագնիտուդով երկրաշարժի զոհերի թիվը հասել է 800-ի։ Ավելի քան 2500 մարդ վիրավորվել է։ Այս մասին հաղորդում է The Associated Press գործակալությունը` վկայակոչելով թալիբների կառավարության ներկայացրած տվյալները։
Իշխանությունները հայտնել են, որ զոհերի և վիրավորների մեծ մասը Կունարի նահանգում է, որտեղ բազմաթիվ շենքեր են ավերվել։ Վնասներ է կրել նաև Նանգարհարի նահանգը։
Ավելի վաղ Եվրոպական միջերկրածովյան սեյսմոլոգիական կենտրոնը (EMSC) հայտնել էր, որ Աֆղանստանի Ջալալաբադ քաղաքից 57 կիլոմետր հյուսիս-արևելք տեղի է ունեցել մինչև 6.2 մագնիտուդ ուժգնությամբ երկրաշարժ։