ԱՄՆ Ազգային հետախուզության տնօրեն Թուլսի Գաբարդը պատահաբար բացահայտել է ԿՀՎ-ի գաղտնի աշխատակցի անունը, հաղորդում է Wall Street Journal-ը։
Նա գործակալի անունը ներառել է 37 պաշտոնյաների ցուցակում, որոնց մերժվել է գաղտնի տվյալների հասանելիությունը՝ ընտրություններին Ռուսաստանի միջամտության և Թրամփի իմպիչմենտի կոչերի վերաբերյալ զեկույցներին մասնակցելու համար։
Գաբարդը դա չի համաձայնեցվել ԿՀՎ-ի հետ, ինչը կոնֆլիկտ է առաջացրել գործակալության տնօրեն Ջոն Ռատկլիֆի հետ։ Գաբարդը չգիտեր, որ ԿՀՎ աշխատակիցը գաղտնի աշխատել է, գրում է թերթը։
Խոսքը վերաբերում է Ռուսաստանի փորձառու մասնագետի՝ ավելի քան 20 տարվա փորձով, ով վերահսկել է 2016 թվականի ընտրություններին Մոսկվայի միջամտության վերաբերյալ զեկույցի մշակումը, իսկ ավելի ուշ ղեկավարել է ԿՀՎ-ի Ռուսաստանի և նախկին Խորհրդային Միության գործողությունների և վերլուծության ստորաբաժանումը։
Աղբյուրները ենթադրում են, որ սա կարող է լինել նույն աշխատակիցը, որի մասին The Economist-ը վերջերս գրել էր, երբ հաղորդել էր ԿՀՎ-ի Ռուսաստանի գծով ամենաբարձրաստիճան վերլուծաբաններից մեկի աշխատանքից ազատման մասին։
Դեպքը սրել է լարվածությունը Գաբարդի և ԿՀՎ տնօրեն Ջոն Ռատկլիֆի միջև։
Գաղտնի աշխատակցի կամ հետախուզական գործակալի ինքնության բացահայտումը Միացյալ Նահանգներում քրեական հանցագործություն է: Չնայած պարզ չէ, թե արդյոք այդ դրույթը վերաբերում է պետական գործակալության կողմից տեղեկատվության հրապարակմա«նը, թե՞ անվան` ցուցակում ներառմանը, նշում է WSJ-ն։