Կենտրոնական ընտրական հանձնաժողովը օգոստոսի 27-ին ստացել է ԱԺ նախագահի արձանագրությունն առ այն, որ պատգամավոր Արսեն Թորոսյանի լիազորությունները վաղաժամկետ դադարել են։
Այս մասին հայտնել է ԿՀԸ-ն:
Հանձնաժողովն օգոստոսի 29-ի հերթական նիստում լիազորությունները վաղաժամկետ դադարած պատգամավորի մանդատը տվել է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Էսթեր Գագիկի Այվազյանին։
Ավելի վաղ հայտնել էինք, որ Ազգային ժողովի «Քաղաքացիական պայմանագիր» խմբակցության պատգամավոր Արսեն Թորոսյանը վայր է դրել պատգամավորական մանդատը։
Օգոստոսի 27-ին ԱԺ նախագահ Ալեն Սիմոնյանն արձանագրություն էր ստորագրել Արսեն Թորոսյանի պատգամավորական լիազորությունները դադարեցնելու մասին:
ՀՀ նախագահ Վահագն Խաչատուրյանի հրամանագրով՝ Արսեն Թորոսյանը նշանակվել է ՀՀ աշխատանքի և սոցիալական հարցերի նախարար:
Մի մոռացեք կիսվել Ձեր ընկերների հետ