ԱՄՆ Արիզոնա նահանգի Ֆինիքս քաղաքում ավազե փոթորիկ է տեղի ունեցել։ Ավելի քան 41,000 մարդ մնացել է առանց էլեկտրաէներգիայի, իսկ տեղական Սքայ Հարբոր միջազգային օդանավակայանը վնասվել է։
Այս մասին հայտնում է Yahoo News-ը։
Փոթորիկը տեղական ժամանակով օգոստոսի 25-ի երեկոյան հարվածել է Ֆինիքս քաղաքի կենտրոնին։ ԱՄՆ Դաշնային ավիացիոն վարչության տվյալներով՝ օդանավակայանը կես ժամով դադարեցրել է ինքնաթիռների թռիչքները վատ եղանակի պատճառով։ Երեք չվերթ չեղարկվել է, 104 չվերթ՝ հետաձգվել, իսկ մեկ չվերթ վերաուղղորդվել է մեկ այլ օդանավակայան։
Օդանավակայանի ներկայացուցիչը հայտնել է, որ շենքում գրանցվել են արտահոսքեր և այլ վնասներ, ընդհանուր վնասը դեռևս գնահատվում է։
Մի մոռացեք կիսվել Ձեր ընկերների հետ