Թուրքիայի Ժողովրդահանրապետական կուսակցության նախագահի թեկնածու և Ստամբուլի քաղաքապետ Էքրեմ Իմամօղլուն հարցազրույց է տվել լրագրող Ֆաթիհ Ալթայլիին:
Երկուսն էլ բանտարկված են Սիլիվրի բանտում. Իմամօղլուն՝ Ստամբուլի քաղաքապետարանում կոռուպցիայի մեղադրանքով, Ալթայլին՝ նախագահ Ռեջեփ Էրդողանին սպառնալու համար:
Հարցազրույցի ժամանակ քննարկվել է Անկարայի քաղաքապետ Մանսուր Յավաշի հնարավոր առաջադրումը նախագահի ընտրություններում։
Իմամօղլուն նշել է, որ ոչ ինքը, ոչ Յավաշը երբեք թեկնածությունը որպես անձնական հարց չեն դիտարկել, և երկուսն էլ ունեն նույն նպատակները:
Իմամօղլուն նաև ընդգծել է Թուրքիայի՝ խորհրդարանական կառավարման համակարգին վերադառնալու կարևորությունը։
Իմամօղլուն ձերբակալվել է այս տարվա մարտին, նա մեղադրվում է մի շարք հանցագործությունների համար: Ընդդիմության համոզմամբ՝ Իմամօղլուի դեմ հարուցված գործերը քաղաքական դրդապատճառներ ունեն: