France Football հեղինակավոր ամսագիրը հրապարակել է Յոհան Կրուիֆի անվան մրցանակի հավակնորդների ցուցակը։ Այս մրցանակը շնորհվում է տարվա լավագույն ֆուտբոլային մարզչին և հանձնվում է «Ոսկե գնդակի» պաշտոնական արարողության ընթացքում։
2025 թվականի մրցանակի համար առաջադրվել են հետևյալ մարզիչները․
- Անտոնիո Կոնտե («Նապոլի»)
- Լուիս Էնրիկե (ՊՍԺ)
- Հանս-Դիտեր Ֆլիկ («Բարսելոնա»)
- Էնցո Մարեսկա («Չելսի»)
- Առնե Սլոթ («Լիվերպուլ»)
2025 թվականի «Ոսկե գնդակի» հանձնման արարողությունը կկայանա սեպտեմբերի 22-ին՝ Փարիզի Շատլե թատրոնում։
Հիշեցնենք, որ 2024 թվականին France Football-ի վարկածով տարվա լավագույն մարզիչ էր ճանաչվել Կառլո Անչելոտին, որն այդ ժամանակ գլխավորում էր Մադրիդի «Ռեալը»։