Լուիս Դիասի տեղափոխությունը «Բավարիա» այս ամառ եռանդուն պայքարի արդյունք էր: Թեև տեղափոխությունը կայացավ, սակայն, ինչպես պարզվել է, կոլումբիացի ֆուտբոլիստը բախվել է որոշ խնդիրների:
Ըստ Daily Mirror-ի, Դիասը չի տիրապետում գերմաներենին և անգլերենին, որոնք «Բավարիայում» հիմնական հաղորդակցման լեզուներն են: Հաղորդակցման դժվարություններ նա ունեցել է դեռևս «Լիվերպուլում» խաղալու ժամանակ, սակայն այնտեղ նրան օգնում էին իսպանախոս թիմակիցները:
Հինգշաբթի օրը մարզման ընթացքում Դիասին օգնել է Ժոաու Պալինյան, ով խոսում է իսպաներեն: Սակայն Պալինյան մոտ է «Տոտենհեմ» տեղափոխվելուն՝ վարձավճարով:
Չնայած հնարավոր դժվարություններին՝ Դիասը նպատակ ունի հնարավորինս արագ հարմարվել և աչքի ընկնել նոր թիմում: Նա հիշում է իր նախկին թիմակից Սադիո Մանեի օրինակը, ով չկարողացավ լիովին հարմարվել «Բավարիային» և մեկ մրցաշրջանից հետո հեռացավ ակումբից, թեև հաղթել էր Բունդեսլիգան:
Հիշեցնենք, որ վերջերս նմանատիպ խնդիրներ է ունեցել նաև մեկ այլ իսպանախոս ֆուտբոլիստ՝ Բրայան Սարագոսան, ով նույնպես չի կարողացել լիարժեքորեն ինտեգրվել «Բավարիայում»: