Գեղարքունիքի մարզի Ճամբարակ քաղաքում իրականացվում են կարևոր ենթակառուցվածքային աշխատանքներ՝ վերականգնելու քաղաքի մուտքի մոտ վնասված հենապատը։
Մարզպետ Կարեն Սարգսյանը շրջել է տեղում և ծանոթացել աշխատանքների ընթացքին։
ՀՀ կառավարության կողմից իրականացվող հրատապ ծրագրի շրջանակում 2024 թվականի հունիսյան հորդառատ տեղումներից հետո սկսվել են հենապատի վերակառուցման աշխատանքները, որոնք մեկնարկել են 2024-ի հուլիսի կեսերից։
Գեղարքունիքի մարզպետի աշխատակազմ
Ծրագրի ընդհանուր արժեքը կազմում է 97 միլիոն 281 հազար դրամ, որը ամբողջությամբ տրամադրվում է պետական բյուջեից։
Վերականգնվող հենապատը լինելու է 267 մետր երկարությամբ, կառուցվելու է միաձույլ բետոնից և երեսպատվելու է բազալտե քրքատաշ սալիկներով։
Հենապատի երկայնքով տեղադրվելու է նաև 8 սանտիմետր հաստությամբ սրբատաշ բազալտե քիվ։
2025 թվականի հուլիսի 30-ի դրությամբ արդեն իրականացվում են հողային և հիմքերի բետոնացման աշխատանքներ։
Շինարարությունը նախատեսված է ավարտել 2025 թվականի ընթացքում։