Իտալիայի վարչապետ Ջորջիա Մելոնին և Իտալիայի արտաքին գործերի նախարար Անտոնիո Տայանին հինգշաբթի օրը դատապարտել են Իսրայելի պաշտպանության ուժերի կողմից Գազայի Սուրբ Ընտանիքի կաթոլիկ եկեղեցուն հասցված հարվածը։
«Ոչ մի ռազմական գործողություն չի կարող արդարացնել սա։ Մենք այլևս չենք կարող հանդուրժել Իսրայելի հարձակումները խաղաղ բնակիչների վրա։ Ժամանակն է կանգ առնել և գտնել խաղաղ լուծում», – գրել է Մելոնին սոցիալական ցանցերում։
Իտալիայի արտաքին գործերի նախարարը նաև «խորը ցավակցություն» է հայտնել Սուրբ ընտանիքի ծխական համայնքի քահանա Գաբրիելե Ռոմանելիին, ով վիրավորվել էր հարվածի հետևանքով։
Գազայի Ալ-Ահլի հիվանդանոցի բժիշկները հայտնել են, որ Ռոմանելին ստացել է ոտքի թեթև վնասվածքներ, իսկ հիվանդանոցը նաև հայտնել է, որ երկու կին է զոհվել։
Ավելի վաղ լրատվամիջոցները հայտնել էին, որ Իսրայելի պաշտպանության բանակը հարվածել է Սուրբ Ընտանիքի եկեղեցուն, որը Գազայի միակ կաթոլիկ եկեղեցին է։