Չորեքշաբթի օրը «Ռեալ Մադրիդը» հայտարարեց պաշտպան Լուկաս Վասկեսի թիմից հեռանալու մասին:
Մադրիդյան ակումբի նախագահ Ֆլորենտինո Պերեսը անդրադարձել է այս թեմային։
«Լուկաս Վասկեսը «Ռեալ Մադրիդի» արժեքների փայլուն օրինակ է, որոնք նրան դարձրել են մեր երկրպագուների ամենասիրված խաղացողներից մեկը: Այս մարզաշապիկով Վասկեսը խորհրդանշում է հաջողության համար անհրաժեշտ աշխատասիրությունը, համառությունը, համեստությունը և հաղթական ոգին: «Ռեալ Մադրիդը» եղել է և միշտ կլինի նրա տունը», – ասել է Պերեսը «Ռեալ Մադրիդի» կայքում:
Որպես «Ռեալ Մադրիդի» խաղացող՝ Լուկաս Վասկեսը նվաճել է 23 տիտղոս: