Այսօր հրաժարական է ներկայացրել Ուկրաինայի վարչապետ Դենիս Շմիգալը։ Նա այս պաշտոնում նշանակվել էր 2020 թվականին։
Շմիգալը պաշտոնանկ է արվել կառավարության կազմում լայնածավալ փոխատեղումների շրջանակներում։
Վարչապետի սպասվող հրաժարականի մասին նախօրեին հայտարարել էր Ուկրաինայի նախագահ Վլադիմիր Զելենսկին՝ նշելով, որ կառավարության ղեկավարի պաշտոնում նրան փոխարինելու է փոխվարչապետ, էկոնոմիկայի նախարար Յուլիա Սվիրիդենկոն։
Ուկրաինական մի շարք աղբյուրների փոխանցմամբ՝ Շմիգալը կարող է զբաղեցնել պաշտպանության նախարարի պաշտոնը։