Թուրքիայի ծայրահեղ աջ սուննի իսլամիստական «Մեծ միություն» (BBP) կուսակցության նախագահ Մուստաֆա Դեսթիջին անդրադարձել է Իսրայել-Իրան հակամարտությանը։ Ermenihaber.am-ի տեղեկացմամբ,նա մասնավորապես նշել է, որ Իրանից հետո թիրախը Թուրքիան է:
«Մի կասկածեք, որովհետև Իսրայելը անկասկած հարձակվում է ցանկացած երկրի վրա, որին համարում է սպառնալիք՝ այլ իմպերիալիստական, համաշխարհային սիոնիստական տերությունների աջակցությամբ»,-ասել է թուրք գործիչը:
Ավելի վաղ Իսրայելցի լրագրող Էյալ Բերկովիչը սոցիալական ցանցերում ուշագրավ հրապարակում էր արել։ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ եզրափակիչը Թուրքիայի հետ կանցկացնենք»,- նշել էր նա: