Չինաստանը երբեք չի միջամտել այլ երկրների ներքին գործերին և կոչ է անում Միացյալ Նահանգներին չխաթարել Պեկինի և Սեուլի միջև հարաբերությունները, հայտարարել է Չինաստանի արտաքին գործերի նախարարության խոսնակ Լին Ցզյանը։
«Չինաստանը միշտ հավատարիմ է եղել այլ երկրների ներքին գործերին չմիջամտելու քաղաքականությանը և խորհուրդ է տալիս Միացյալ Նահանգներին փոխել Չինաստանի վերաբերյալ իր մտածողությունը՝ հիմնվելով սեփական գործողությունների վրա և դադարեցնել սաբոտաժի ենթարկել Պեկինի և Սեուլի հարաբերությունները», – ասել է Չինաստանի արտաքին գործերի նախարարության խոսնակը՝ մեկնաբանելով Սպիտակ տան հայտարարությունները Պեկինի կողմից այլ երկրների գործերին ենթադրյալ միջամտության մասին, որոնք նշվում էին Լի Ջե-մյունգին ուղղված շնորհավորական ուղերձում՝ Կորեայի Հանրապետության նախագահ ընտրվելու կապակցությամբ։