«Նոր պրոյեկտ. տնտեսական ալիք» նախաձեռնությունը ողջունում է Գագիկ Ծառուկյանի կողմից ներկայացված «Առաջարկ Հայաստանին» ծրագրային մոտեցումը՝ որպես երկրի զարգացման նոր քաղաքատնտեսական ուղղություն ձևավորելու քայլ։
Երկիրը և ժողովուրդը պետք է դուրս գան ստեղծված անելանելի իրավիճակից, քանի որ այն լուրջ բացասական ազդեցություն է ունենում երկրի քաղաքական, տնտեսական և սոցիալական կայունության վրա։
Մեր նախաձեռնությունը հայտնում է իր պատրաստակամությունը՝ մասնակցելու «Առաջարկ Հայաստանին» ծրագրի ձևավորման աշխատանքներին՝ մասնագիտական փորձով, վերլուծական ներուժով և հանրային կապերով աջակցելով դրա ռազմավարական ուղղությունների մշակմանը։ Մենք պատրաստ ենք սիրով հանդիպելու Գագիկ Ծառուկյանի հետ՝ հստակ և համապարփակ լուծումներ գտնելու ակնկալիքով։
«Նոր պրոյեկտ. տնտեսական ալիք» նախաձեռնությունն առաջիկա ամիսներին նախատեսում է մի շարք այցեր ՀՀ մարզեր՝ կազմակերպելու հանրային քննարկումներ և հանդիպումներ՝ նպատակ ունենալով գույքագրել տեղային և համայնքային տնտեսական խնդիրները և համատեղ մշակել դրանց իրատեսական լուծումները։
Մենք հավատում ենք, որ նմանօրինակ համահայկական ծրագրերը կարող են դառնալ ազգային միասնության, տնտեսական վերելքի և վստահության վերակառուցման հիմնասյուներ։
«Նոր պրոյեկտ. տնտեսական ալիք» նախաձեռնություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: