Ստամբուլում կայանալիք բանակցություններում ուկրաինական պատվիրակությունը կրկին կգլխավորի Ուկրաինայի պաշտպանության նախարար Ռուստեմ Ումերովը։ Այս մասին Վլադիմիր Զելենսկին հայտնել է իր Telegram ալիքում։
«Ես լսեցի Ուկրաինայի պաշտպանության նախարարի, արտաքին գործերի նախարարի, գլխավոր շտաբի, հետախուզական ծառայությունների և Ուկրաինայի անվտանգության ծառայության զեկույցները։ Ես դիրքորոշումներ սահմանեցի երկուշաբթի օրը Ստամբուլում կայանալիք հանդիպումից առաջ», – գրել է նա։
Զելենսկիի խոսքով՝ պատվիրակությունը նախատեսում է քննարկել բազմաթիվ հարցեր, այդ թվում՝ հրադադարը և բանտարկյալների ազատ արձակումը։ «Երկուշաբթի մեր պատվիրակությունը կգլխավորի Ռուստեմ Ումերովը», – եզրափակել է Զելենսկին։
Ավելի վաղ Ումերովը հայտարարել էր, որ Կիևը «դեմ չէ» ռուսական կողմի հետ հանդիպմանը, սակայն սպասում է Մոսկվայից հուշագրի, նախքան դրա մեկնարկը։ Ռուսաստանի նախագահի մամուլի քարտուղար Դմիտրի Պեսկովը ոչ կառուցողական է անվանել Ուկրաինայի պահանջը՝ «անհապաղ փոխանցել հուշագիրը»։ Նա ընդգծել է, որ հիմա գլխավորը ուղիղ բանակցությունների գործընթացը շարունակելն է։