Վրաստանի վարչապետ Իրակլի Կոբախիձեն Թբիլիսիում կառավարության դեմ ուղղված ամենօրյա բողոքի ցույցերը արհեստական է անվանել և վստահություն է հայտնել, որ դրանք ֆինանսավորվում են դրսից։
Վրաստանում շարունակվում են բողոքի ցույցերը՝ պահանջելով նոր խորհրդարանական ընտրություններ։ Բողոքի ցույցերը սկսվեցին այն բանից հետո, երբ վարչապետ Իրակլի Կոբախիձեն 2024 թվականի նոյեմբերի 28-ին հայտարարեց, որ մինչև 2028 թվականը կդադարեցնի երկրի՝ Եվրամիությանը անդամակցելու վերաբերյալ բանակցություններ սկսելու հարցի քննարկումը։ Սկզբում հանրահավաքները մեծածավալ էին, և տեղի ունեցան զանգվածային ձերբակալություններ։ Վերջին մի քանի ամիսների ընթացքում բողոքի ցույցերը քիչ թվով են և խաղաղ։
«Մոտ մեկ միլիոն դոլար է անհրաժեշտ ամեն օր Ռուսթավելի պողոտա 300 մարդ դուրս բերելու համար։ Պատկերացրեք, երբ խոսում ենք «Խորքային պետության» մասին, ինչ ֆինանսական ռեսուրսներ ունեն նրանք դրա համար։ Այս ամենը շատ արհեստական է», – Վրաստանի Առաջին ալիքի եթերում ասել է Կոբախիձեն։