ՀՀ և ՌԴ փրկարարները Բալահովիտում վերացրին «տեխնածին վթարի» հետևանքները. տեսանյութ

ՀՀ և ՌԴ փրկարարները Բալահովիտում վերացրին «տեխնածին վթարի» հետևանքները. տեսանյութ

ՀՀ և ՌԴ փրկարարները Բալահովիտում վերացրին «տեխնածին վթարի» հետևանքները. տեսանյութ

Sputnik Արմենիա

Ռուս-հայկական մարդասիրական արձագանքման կենտրոնի փրկարարները վարժանքների շրջանակում չեզոքացրին նավթային օբյեկտում բռնկված հրդեհը, տուժածներին տարհանեցին շենքի… 20.05.2025, Sputnik Արմենիա

2025-05-20T15:57+0400

2025-05-20T15:57+0400

2025-05-20T15:59+0400

ռուս-հայկական մարդասիրական արձագանքման կենտրոն

հայաստան

փրկարար

վարժանք

https://cdn.am.sputniknews.ru/img/07e9/05/14/89132769_0:0:2132:1199_1920x0_80_0_0_14a5ca9a909c9a9e3284a0db696e7443.jpg

ԵՐԵՎԱՆ, 20 մայիսի – Sputnik. Այսօր Կոտայքի մարզի Բալահովիտ գյուղի մոտակայքում արտակարգ իրավիճակների հետևանքների վերացման միջազգային վարժանքներ անցկացվեցին, որոնք նվիրված էին Ռուս-հայկական մարդասիրական արձագանքման կենտրոնի հիմնադրման 10-ամյակին:Ըստ սցենարի՝ պայմանական քաղաքում տեղի ունեցած երկրաշարժը տեխնածին վթար էր առաջացրել։ Որոնողափրկարարական և վթարավերականգնողական աշխատանքներ իրականացնելու նպատակով դեպքի վայր էին ժամանել միջազգային փրկարարական ջոկատները: Որոշ մասնակիցներ զբաղվում էին արդյունաբերական օբյեկտներում բռնկված հրդեհների մարմամբ, մյուսները տուժածներին դուրս էին բերում ավերված շենքերի փլատակներից:Ռուս-հայկական մարդասիրական արձագանքման կենտրոնի 10-ամյակին նվիրված միջազգային ցուցադրական վարժանքներ և հրշեջ-փրկարարական տեխնիկայի և տեխնոլոգիաների ցուցահանդեսԻրականացվեցին նաև քիմիական նյութերի արտահոսքի վերացման գործողություններ։ 12 երկրների լեռնագնաց փրկարարները տուժածներին տարհանեցին պայմանականորեն ավերված շենքերի վերին հարկերից: Բացի այդ, փրկարարական գործողություններ իրականացվեցին ճանապարհատրանսպորտային պատահարների պայմաններում և շենքերում մարդկանց արգելափակման ժամանակ:Ռուս և հայ մասնագետները ցուցադրեցին ականազերծման և չպայթած ավիացիոն ռումբի հետ աշխատելու հմտությունները: Տուժածներին բուժօգնություն ցուցաբերեցին Հայկական Կարմիր խաչի ընկերության աշխատակիցները, իսկ տուժածներին տեղափոխելու համար ներգրավվեց ՀՀ պաշտպանության նախարարության տրամադրած ուղղաթիռը:Վարժանքների ընթացքին հետևում էին Ռուսաստանի արտակարգ իրավիճակների փոխնախարար Վյաչեսլավ Բուտկոն և Հայաստանի ներքին գործերի փոխնախարար, Փրկարար ծառայության տնօրեն Կամո Ցուցուլյանը:Լրագրողների հետ զրույցում Բուտկոն նշեց, որ թեև 10 տարին փոքր ժամանակահատված է, բայց կենտրոնի ձեռքբերումները տպավորիչ են` փրկված կյանքեր, մարդասիրական օգնության ծավալներ, մասնագետների պատրաստում:«Կենտրոնը մեզ ուրախացրեց իր գործնական բազայով։ Այստեղ մշակվում են փրկարարական գործողությունների բոլոր ուղղությունները՝ գազածխապաշտպանիչների աշխատանքից մինչև լեռնափրկարարներ և հրշեջներ։ Մասնագետների պատրաստման համար սա եզակի հարթակ է», – ընդգծեց նա։Ցուցուլյանն էլ խոսեց կենտրոնի կարևոր դերի մասին։Ռուս-հայկական մարդասիրական արձագանքման կենտրոնի 10-ամյակին նվիրված միջազգային ցուցադրական վարժանքներ և հրշեջ-փրկարարական տեխնիկայի և տեխնոլոգիաների ցուցահանդես«Հայ-ռուսական մարդասիրական արձագանքման կենտրոնը հագեցած է անհրաժեշտ բոլոր տեխնիկական և տեխնոլոգիական միջոցներով, ուստի հնարավորություններն իսկապես բարձր մակարդակի են։ Հայաստանում այս կենտրոնի շնորհիվ բարձրանում է նախևառաջ փրկարարների որակավորումը։ Կադրային ռեսուրսի ընդունումից հետո իրականացվում է պլանային ուսուցում։ Դասընթացների մի մասն անցկացվում է տվյալ կենտրոնում։ Այստեղից դուրս են գալիս փորձառու մասնագետներ»,- ասաց Ցուցուլյանը։Միջոցառման շրջանակում տեղի ունեցավ նաև ռուսական ժամանակակից հրշեջ-փրկարարական տեխնիկայի և սարքավորումների ցուցահանդես: Երեկ անցկացվել է «Համագործակցություն հանուն փրկության» միջազգային գիտագործնական համաժողով, որի ընթացքում քննարկվել են տարերային և տեխնածին աղետների դեմ պայքարում Հայաստանի և Ռուսաստանի համատեղ ջանքերը: