Միացյալ Նահանգներում մահացու և հազվագյուտ հիվանդությամբ երեխա է ծնվել մի թերապիայի օգնությամբ, որը բժիշկներն անվանում են բժշկության ապագան, իսկ The Wall Street Journal-ը` ֆուտուրիստական տեխնոլոգիա։
Ֆիլադելֆիայում վաղաժամ ծնված Մալդունի մոտ ախտորոշվել է գենետիկ մուտացիայի պատճառով առաջացած հազվագյուտ և կյանքին սպառնացող հիվանդություն։ Բժիշկները նրան օգնել են բուժման անհատականացված գենոմի խմբագրման թերապիայի միջոցով, ինչն էլ հենց ամերիկյան թերթը որակել է «ֆուտուրիստական տեխնոլոգիայի առաջընթաց»։
2020 թվականին Ջենիֆեր Դուդնան և Էմանուել Շարպանտիեն Նոբելյան մրցանակ ստացան գենային տեխնոլոգիայի ամենասուր գործիքներից մեկի՝ «գենետիկական մկրատի» (CRISPR/Cas9) մշակման համար։ Այդ ժամանակ գիտնականները ենթադրում էին, որ ապագայում այս տեխնոլոգիան կարող է օգնել ժառանգական հիվանդությունների և քաղցկեղի բուժմանը։
WSJ-ն գրում է, որ հետազոտողներն արդեն մշակել են գենային թերապիայի մեթոդներն այն հիվանդությունների բուժման համար, որոնք ազդում են տարածված գենետիկ մուտացիաներ ունեցող մարդկանց վրա, սակայն միլիոնավոր այլ մարդիկ ունեն եզակի մուտացիաներով հիվանդություններ, որոնք պահանջում են անհատականացված թերապիա։
Ֆիլադելֆիայում ծնված Մալդունը վերջին այս տեսակի թերապիայի կարիք ունեցող առաջին պացիենտն է։