«Հիդրոօդերևութաբանության և մոնիթորինգի կենտրոն» ՊՈԱԿ-ը ագրոօդերևութաբանական տեղեկատվություն. մայիսի 5-11-ը։
Շաբաթվա ընթացքում հովտային և նախալեռնային շրջաններում շարունակվել է կորիզավոր պտղատուների աճը, լեռնային շրջաններում՝ հնդավորների ծաղկումը։
Արարատյան դաշտում շարունակվել է բանաջարանոցային մշակաբույսերի սածիլումը, տեղ-տեղ առաջացել են լոլիկի և սմբուկի կողային ընձյուղները։
Նախալեռնային շրջաններում դիտվել են կարտոֆիլի կողային ընձյուղները, լեռնային շրջաններում՝ ծիլերը։
Լեռնային շրջաններում աշնանացան ցորենը գտնվել է ցողունակալման և հանգուցային արմատների առաջացման փուլերում։
Ժամանակ առ ժամանակ դիտված տեղումները դժվարեցրել են դաշտային աշխատանքների իրականացումը։ Արարատյան դաշտում դիտված կարկուտը որոշ չափով վնասել է պտղատուներին և բանջարանոցային մշակաբույսերին։
