Բանաստեղծ Վահե Արսենը գրում է․
ԿՐԾՔԱՎԱՆԴԱԿԻՑ ՄԻՆՉԵՎ ՇՈՒՇԻ
Պառկեցի քնելու․․․
բայց թոքերիս մասում Դատարկություն կար․․․
վիրաբուժական մի պատռվածք․․․
վիրաբույժի աչքով սովորական պատռված կրծքավանդակ,
սովորական վիրահատության սեղանին․․․
բայց անսովոր մի Դատարկություն․․․
․
․․․ու քունս չեկավ դրա ներսում,
քունս կորավ Դատարկության մեջ․․․
հեռու․․․ նյութական․․․
կպչուն ժապավենի պես մաշկիս կառչած,
որ ազատվել չի լինում․․․
և ինչքան չի լինում,
ազատվելու ցանկությունն էնքան մեծանում է․․․
․
․․․ու միամիտ հասկացա,
որ դա դատարկություն չէ․․․
ընդամենը հեռավորություն –
հեռավորություն –
կրծքավանդակիցս մինչև Շուշի․․․