Կենտրոնական ընտրական հանձնաժողովը (ԿԸՀ) հոկտեմբերի 31-ի նիստում վիճակահանությամբ որոշել է նոյեմբերի 29-ին կայանալիք տեղական ինքնակառավարման մարմինների (ՏԻՄ) ընտրություններին մասնակցող կուսակցությունների և դաշինքների հերթական համարները։
Վիճակահանության արդյունքներով՝ քաղաքական ուժերը հանդես կգան հետևյալ համարներով.
-
«Բարոյական արժեքներ» կուսակցություն
-
«Շանթ դաշինք» ազգայնական կուսակցություն
-
«Ապրելու երկիր» կուսակցություն
-
«Վստահություն» կուսակցությունների դաշինք
-
«Հայ հեղափոխական դաշնակցություն» կուսակցություն
-
«Միասնական համայնք» կուսակցություն
-
«Համերաշխություն» կուսակցությունների դաշինք
-
«Ուժեղ Հայաստան» կուսակցություն
-
«Գործարար կուսակցություն»
-
«Քաղաքացիական պայմանագիր» կուսակցություն
-
«Լուսավոր Հայաստան» կուսակցություն
Նոյեմբերի 29-ին ՏԻՄ ընտրություններ կանցկացվեն Հայաստանի 12 համայնքներում։ Համամասնական ընտրակարգով ավագանի կընտրեն Աշտարակում, Ապարանում, Մեծամորում, Բաղրամյանում, Սևանում, Սպիտակում, Աշոցքում, Ամասիայում, Կապանում և Նոյեմբերյանում, իսկ Արևուտում և Մեծաձորում ընտրությունները կանցկացվեն մեծամասնական ընտրակարգով։ Հոկտեմբերի 27-ին հայտնել էինք, որ «Ուժեղ Հայաստան» կուսակցությունը մտադիր է մասնակցել Սպիտակի ընտրություններին։
Հոկտեմբերի 30-ին հայտնի էին դարձել «Քաղաքացիական պայմանագրի» նախընտրական ցուցակների առաջատարները՝ համապատասխանաբար Քաջայր Նիկողոսյանը, Սուրեն Գրիգորյանը, Մխիթար Խաչիկյանը, Սարգիս Արշակյանը, Շանթ Առաքելյանը, Թովմաս Շահվերդյանը, Կարեն Մանուկյանը և Ջեմմա Հարությունյանը։ Ապարանում «Համերաշխություն» դաշինքի ցուցակը գլխավորելու է Կարեն Եղիազարյանը։
