Նիկոլ Փաշինյանի բանաստեղծությունը՝ նվիրված Արցախին

Իսկ դուք գիտեի՞ք, որ 13 տարեկանում Նիկոլ Փաշինյանը Արցախին նվիրված բանաստեղծություն է գրել: Եթե չգիտեիք, ապա կարդացեք այն…

Հայտնի է Նիկոլ Փաշինյանի մեծ սերը տարբեր համադամ ուտելիքների, ուտել-խմելու հանդեպ։ Եվ այդ սերը նույնպես կապված է եղել «Արցախ» տեղանվան հետ: Պարզվում է՝ պատանի Նիկոլն «Արցախ» բառն առաջին անգամ լսել է Իջևանում՝ այդ տարիներին շատ ակտիվ գործող մի ռեստորանի շնորհիվ։

2024-ին Նիկոլ Փաշինյանը «Քաղաքացիական պայմանագիր» կուսակցության «Ժողովրդավարության դպրոցում» դասախոսություն է կարդացել՝ «Հայաստանի Հանրապետության սոցիալ-հոգեբանությունը» թեմայով և, անդրադառնալով խորհրդային ժամանակաշրջանին ու հիշեցնելով, որ ծնվել ու մեծացել է Իջևանում, ասել է. «Մեր մանկական խոսակցություններում ամենաշատ հնչող բառերից մեկն Արցախն էր՝ 1984, 1985, 1986 թվականներին: Կարո՞ղ եք կռահել՝ ինչո՞ւ: Չեք կռահի: Ուրեմն Իջևանում ամենահայտնի էլիտար ռեստորանը Խորհրդային Միության ժամանակ կոչվում էր «Արցախ», և մինչև հասկացանք՝ ղարաբաղյան շարժումն էդ ինչի մասին է, մեր խոսակցության մեջ անընդհատ Արցախը ներկա էր՝ «Արցախում» էս է եղել, էն է եղել, իսկ դա այն ռեստորանն էր, որտեղ գնում էր Իջևանի շրջանի էլիտան, և էրեխեքը մտածում էին՝ որ մեծանանք, մենք էլ կգնանք «Արցախ» ռեստորան»։

13 տարեկանում Նիկոլ Փաշինյանը նաև Արցախին նվիրված հայրենասիրական բանաստեղծություն է ձոնել։ Իջևան քաղաքից բանաստեղծուհի Լուսինե Ենգոյանը 2020-ին «Վան Արյան» հրատարակչատանը տպագրել է «Իջևանի մշակույթը՝ 1970-ական թվականներից մինչև 2020 թվականը» գիրքը, որտեղ զետեղել է նաև Նիկոլ Փաշինյանի՝ 1988-ին՝ 13 տարեկանում գրած «Արցախ» բանաստեղծությունը։ Այդ բանաստեղծությունը Լ․ Ենգոյանին է տվել Նիկոլ Փաշինյանի խորթ մայրը՝ Երջանիկը: Ստորև ներկայացնում ենք 7 քառատողից բաղկացած բանաստեղծությունը, որտեղ տողեր կան նաև սահմանն առաջ հրած, Մեղրու խաղողին (Սյունիքի՞ն) աչք դրած ադրբեջանցիների մասին։