Ասիոյ ֆութպոլի «Չեմփիընզ լիկ»-ի 2026-2027 տարեշրջանի Արեւմտեան գօտիի 2-րդ հանգրուանի իր մրցումին, Սէուտական Արաբիոյ Նասր ակումբը 3-1 արդիւնքով ծանր պարտութեան մատնեց Ուզպեքիստանը ներկայացնող Նեֆչի Ֆարկոնա խումբը:
Նասրի եւ Փորթուգալի հաւաքականի յառաջապահ Քրիսթիանօ Ռոնալտօ իր արհեստավարժ ասպարէզի 981-րդ կոլը նշանաեց այս մրցումին` նշանակելով Նասրի երկրորդ կոլը:
Պրազիլցի Անկելօ 33-րդ վայրկեանին բացած էր մրցումին հաշիւը, եւ Ռոնալտօ 42-րդ վայրկեանին նշանակած էր Նասրի երկրորդ կոլը` փոխանցում մը ստանալէ ետք Այման Եահիայէն: Այս կոլէն 2 վայրկեան ետք Նեֆչի կոլ մը նշանակեց, բայց ՎԱՐ-ի սենեակէն չվաւերացուցին այս կոլը օֆ-սայտի պատճառով:
Բ. կիսախաղին ուզպեք Ալիշեր Օտիլով նշանակեց Նեֆչիի 2-1-ի կոլը, բայց կեդրոնի յետսապահ Անվարիոն Կովուրով (սխալմամբ իր բերդին մէջ) նշանակեց Նասրի 3-րդ կոլը:
Նասրի յաղթանակը առաջինն էր այս տարեշրջանի «Չեմփիընզ լիկ»-ին, մանաւանդ որ իր առաջին մրցումին 4-0 արդիւնքով ծանր պարտութիւն կրած էր Արաբական Միացեալ Էմիրութիւններու Այն խումբէն:
Այն 41 արդիւնքով իր 2-րդ մրցումն ալ յաղթեց Իրաքի Քուա Ժսուիյային: