ԱՄՆ նախագահ Դոնալդ Թրամփը մեղադրել է լրատվամիջոցներին Վաշինգտոնի և Թեհրանի միջև հակամարտության հետ կապված ամերիկյան Սան Դիեգո և Լոս Անջելես քաղաքների ոչնչացման մասին իր խոսքերը խեղաթյուրելու մեջ։
«Կեղծ և արհեստական լուրեր են փորձում ներկայացնել, թե ես կոչ եմ անում թշնամուն ռմբակոծել Սան Դիեգոն և Լոս Անջելեսը, մինչդեռ իրականում ես ասում էի, որ գազի գների ժամանակավոր բարձրացումը փոքր գին է, որը պետք է վճարել Իրանին միջուկային զենք ունենալուց զերծ պահելու համար։ Եվ եթե ուզում եք տեսնել, թե ինչ է մեծ գինը, պատկերացրեք, թե ինչ կլիներ, եթե նրանք ռմբակոծեին Սան Դիեգոն կամ Լոս Անջելեսը», – գրել է Թրամփը Truth Social-ում։
Թրամփը նախկինում հայտարարել էր այս երկու քաղաքները ոչնչացնելու հնարավորության մասին, սակայն չէր մանրամասնել, թե ինչ նկատի ունի։ Սպիտակ տան հաղորդակցության տնօրեն Սթիվեն Չունը ավելի ուշ պարզաբանեց, որ Թրամփը նկատի ուներ ամերիկյան քաղաքների համար հնարավոր սպառնալիքը, եթե ԱՄՆ-ն ռազմական գործողություններ չսկսեր Իրանի դեմ՝ Իսլամական Հանրապետության միջուկային ծրագրի պատճառով։
«Բոլորը գիտեին սա, բայց նրանք շարունակում են պնդել, որ ես խնդրում եմ թշնամուն ռմբակոծել երկու քաղաք, որոնք ես սիրում եմ։ Ամբողջովին պարզ է, թե ինչ եմ ասում, բայց այս մարդիկ կարծում են, որ կարող են անպատիժ մնալ կեղծ լուրեր տարածելով», – ընդգծել է ամերիկացի առաջնորդը։