Հայաստանի աղջկանց թենիսի ներկայացուցիչ Ալինա Չարայեւա, Փեքինի թենիսի մրցաշարքի Գ. հանգրուանին պարտութեան մատնեց բրիտանացի Սոնայ Քարթալը` 6-4 եւ 6-1 արդիւնքով:
Թիւ 1 թենիսվումըն Էլենա Ռիպաքինայի յաղթելէ ետք, բնականաբար Չարայեւա աւելի ինքնավստահ կը խաղայ:
Այսօր Չարայեւա Դ. հանգրուանին գծով պիտի մրցի չինացի Քինուեն Ժենկի (թիւ 54) դէմ:
Պէտք է նշել, որ Արինա Սապալենքա (թիւ 2) իր կարգին անակնկալ պարտութիւն կրեց չեխ Նիքոլա Պարթունքովայէն (թիւ 34) եւ դուրս մնաց: Այժմ ամէնէն բարձր դասուած մարզիկը աշխարհի թիւ 4 դասուած Քոքօ Կաֆն է, որ յաջորդ հանգրուանին պիտի մրցի Պելճիքայի Էլիզ Մերթենսի դէմ:
Փեքինի տղոց մրցաշարքին աւարտական մրցումը իր դէմ պիտի հանէ վեթերան Նովաք Ճոքովիչը եւ Ալեքս Տը Մինաորը:
39 տարեկան սերպ Ճոքովիչ դուրս ձգած էր աշխարհի թիւ 2 (այս մրցաշարքի թիւ 1 դասուած) գերմանացի Ալեքսանտր Զվերեւը եւ կիսաւարտականին Տանիլ Մետվետեւը` 7-5 եւ 5-3 արդիւնքով: Վերջին սեթը վերջ գտաւ 5-3 արդիւնքով, որովհետեւ Ճոքովիչ սերվիս տուած պահուն Մետվետեւ չհասնելով գնդակին քիչ մը անուշադրաբար դէպի թրիպիւններ հարուածած էր գնդակը, որմէ ետք մրցումը պարտուած հռչակուած էր Մետվետեւ: Իր կարգին, Տը Մինաոր սեթ մը յաղթելէ ետք Հուպերթ Հուրքաշի դէմ (6-4), 3-2 արդիւնքով կը յառաջանար, երբ Հուրքաշ վիրաւորուելով կիսատ լքեց մրցումը: Աշխարհի 11-րդ թենիսմենը պիտի մրցի 9-րդին` Տը Մինաորի դէմ, այսօր: