Դուբայից Թել Ավիվ թռչող Flydubai ավիաընկերության չվերթի հրամանատարի վրա հարձակված երկրորդ օդաչուն ավիացիայի կառավարում էր սովորում բրիտանական համալսարաններից մեկում, հաղորդում է Telegraph-ը։
Ավելի վաղ ABC-ն, հղում անելով աղբյուրներին, հայտնել էր, որ Flydubai ավիաընկերության հրամանատարի վրա հարձակվողը, հնարավոր է, 29-ամյա Օմանի քաղաքացի Համամ ալ-Համմամին է եղել։
«Իսրայել ուղևորվող ինքնաթիռը առևանգելու փորձ կատարած երկրորդ օդաչուն սովորում էր բրիտանական համալսարանում», – գրում է հրատարակությունը։
Թերթի տվյալներով՝ ալ-Համամին 2020-2023 թվականներին Բաքինգհեմշիրի Նոր համալսարանում ավարտել է ավիացիայի կառավարման եռամյա հեռավար ուսուցման դասընթացը։ Համալսարանը թերթին հայտնել է, որ ալ-Համամին ավարտել է միայն հեռավար ուսուցման դասընթացը և չի անցել օդաչուի վերապատրաստում։
Ավելի վաղ Wall Street Journal-ը, հղում անելով աղբյուրներին, հայտնել էր, որ Օմանի իշխանությունները արգելել են օդաչուին, ով այժմ կասկածվում է հարձակման մեջ, թռիչքներ կատարել՝ նրա արմատական հայացքների պատճառով։
Ավելի վաղ հայտնել էինք, որ FlyDubai ուղևորատար ինքնաթիռի երկրորդ օդաչուն, որը շաբաթվա սկզբին թռիչքի ժամանակ հարձակվել էր կապիտանի վրա, քննիչներին խոստովանել է, որ պլանավորել էր ինքնաթիռը կործանել Իսրայելում։