Լոս Անջելեսի Նորթրիջ թաղամասի University Plaza առևտրի կենտրոնում տեղի ունեցած հրաձգության հետևանքով առնվազն երկու մարդ է զոհվել:
Դեպքը տեղի է ունեցել ուրբաթ գիշերը՝ ժամը 23:00-ից հետո: Կրակոցները հնչել են Կալիֆոռնիայի համալսարանի հարևանությամբ գտնվող առևտրային գոտում:
Ոստիկանությունը դեպքի վայր է ժամանել մեծ հավաքույթի կամ խնջույքի վերաբերյալ ահազանգով, ինչից հետո լսվել են կրակոցներ: Ըստ նախնական տվյալների՝ բացի երկու զոհից, առնվազն մեկ մարդ դանակահարվել է:
Ոստիկանության հատուկ ստորաբաժանումները շրջափակել են տարածքը և հարցաքննության նպատակով ձերբակալել տասնյակ մարդկանց:
Կասկածյալների ինքնության կամ հստակ դրդապատճառների մասին Լոս Անջելեսի ոստիկանությունը պաշտոնական մանրամասներ դեռևս չի հաղորդել: