ԱՄԷ գլխավոր դատախազությունը, Դուբայից Թել Ավիվ թռիչքի ժամանակ արտակարգ վայրէջք կատարած Flydubai չվերթի քննության ընթացքում, եզրակացրել է, որ երկրորդ օդաչուն կացնով հարձակվել է ինքնաթիռի հրամանատարի վրա: ԱՄԷ գլխավոր դատախազ Համադ Սաիֆ Ալ Շամսին հայտարարել է, որ հարձակվողը փորձում էր ահաբեկչական հարձակում իրականացնել, շաբաթ օրը՝ հոկտեմբերի 3-ին, հաղորդել է WAM պետական լրատվական գործակալությունը:
Ըստ գլխավոր դատախազի, խցիկում հրամանատարի վրա հարձակվելով՝ երկրորդ օդաչուն փորձել է իր ձեռքը վերցնել ինքնաթիռի վերահսկողությունը: Հետաքննությունը շարունակվում է և կպարզվի միջադեպի հանգամանքները, հարձակվողի դրդապատճառները և հնարավոր կապերը:
Երկրորդ օդաչուին նախկինում արգելել են թռիչքներ իրականացնել Oman Air-ում․ ԶԼՄ
Ամերիկյան ABC News հեռուստաալիքը՝ հղում անելով հետախուզության և իրավապահ մարմինների բարձրաստիճան պաշտոնյաներին, գրել է, որ սեպտեմբերի 30-ին Դուբայից Թել Ավիվ թռչող FZ1073 չվերթի երկրորդ օդաչուն նախկինում ազատվել էր Oman Air-ից՝ անվտանգության նկատառումներից ելնելով: ABC News-ը հաղորդում է, որ 2024 թվականին ավիաընկերությունում որպես երկրորդ օդաչու իր աշխատանքային պրակտիկայի ընթացքում նրա մոտ հայտնաբերվել են ծայրահեղական նյութեր։
Հեռուստաալիքը նաև նշել է կասկածյալի անունը. հետաքննությանը ծանոթ աղբյուրների համաձայն՝ նա 29-ամյա Օմանի քաղաքացի Համամ Ալ-Համմամին է, որին թռիչքներից կասեցվելուց հետո թույլատրվել է շարունակել աշխատանքը Oman Air-ում՝ վարչական պաշտոնում։
Սեպտեմբերի 30-ին Դուբայից Թել Ավիվ թռչող Flydubai ուղևորատար ինքնաթիռը արտակարգ վայրէջք է կատարել Սաուդյան Արաբիայի Տաբուկ օդանավակայանում՝ ինքնաթիռի առևանգման փորձի մասին հաղորդումից հետո: Միջադեպը տեղի է ունեցել օդաչուի խցիկում տեղի ունեցած կռվի պատճառով, որի ընթացքում ինքնաթիռն արագորեն կորցրել է բարձրությունը՝ 29 վայրկյանում 30,500 ոտնաչափից հասնելով 16,500 ոտնաչափի:
Boeing 737 MAX 8-ում եղել է 174 մարդ, այդ թվում՝ 27 երեխա, որոնց մեծ մասը Իսրայելի քաղաքացիներ էին: Որոշ ուղևորների խոսքով՝ նրանք նախ լսել են օդաչուի խցիկից լսած ճիչեր, ապա օդաչուի խցիկի դուռը բացվել է, և ուղևորները տեսել են վիրավոր օդաչուի արյունոտ հագուստը: Մասնագիտությամբ բժիշկ ուղևորներից մեկը նրան առաջին բուժօգնություն է ցույց տվել: Ինքնաթիռի անձնակազմն ու ուղևորները կարողացել են վնասազերծել հարձակում իրականացնողին։ Օդանավը բաարեհաջող վայրէջք է կատարել Սաուդյան Արաբիայում։