ԱՄՆ նախագահ Դոնալդ Թրամփը կարծում է, որ ԱՄՆ-ի և Իրանի միջև պատերազմը շուտով կավարտվի։ Նա այս դիրքորոշումը հայտնել է Վաշինգտոնում՝ արհեստական բանականության (ԱԲ) տեխնոլոգիաներին նվիրված համաժողովի ժամանակ։
«Իրանը երբեք միջուկային զենք չի ունենա։ Նրանց գործերը շատ վատ են ընթանում։ Այն շատ շուտ կավարտվի»,- հայտարարել է Թրամփը՝ հավելելով, որ, իր կարծիքով, Իսլամական Հանրապետության հետ հակամարտության կարգավորումից հետո նավթի գները կսկսեն նվազել։
ԱՄՆ նախագահը նաև կարծիք է հայտնել, որ Իրանի դեմ պատերազմը պատմության մեջ կմտնի որպես իր վարչակազմի օրոք իրականացված «ամենակարևոր գործերից մեկը»։
«Ըստ էության, դա ամենակարևոր գործերից մեկն է»,- հավելել է նա։