Այսօր կայացել է Ռուսաստանի արտգործնախարարի տեղակալ Միխայիլ Գալուզինի և Մոսկվայում Հայաստանի դեսպան Գուրգեն Արսենյանի հանդիպումը:
Ռուսաստանի ԱԳՆ պաշտոնական հաղորդագրության համաձայն՝ հանդիպման մասնակիցները մտքեր են փոխանակել երկկողմ հարաբերությունների արդիական հարցերի, ինչպես նաև «եվրասիական ինտեգրացիոն միավորումների շրջանակներում Մոսկվայի և Երևանի փոխգործողության թեմատիկայի շուրջ»:
«Ընդգծվեց միջպետական երկխոսության շրջանակներում ռուս-հայկական կապերի հեռանկարների հետագա առարկայական քննարկմանը երկկողմ պատրաստակամությունը», – փոխանցում է Ռուսաստանի դիվանագիտական գերատեսչությունը:
Հայկական կողմը հանդիպման մասին առայժմ չի հաղորդում: