Սիրելի՛ հայրենակիցներ,
1991 թուականի սեպտեմբերի 21-ին հայ ժողովուրդը վերահաստատեց ազատ ու անկախ ապրելու իր կամքը` հիմք ունենալով մեր նորօրեայ պետականութեան ծննդեան վկայականը` Անկախութեան հռչակագիրը:
Դարեր շարունակ մեր ժողովրդի կրած զրկանքներն ու զոհաբերութիւնները մեզ յանգեցրել են յստակ ճշմարտութեան. անկախ պետականութիւնը մեզ համար ինքնանպատակ չէ: Այն միակ եւ անփոխարինելի միջոցն է` պահպանելու մեր ազգային ինքնութիւնը եւ ապահովելու հայ ժողովրդի յարատեւութիւնը:
Մեր նահատակների թափած արիւնն ու սերունդների կրած զրկանքներն էութեամբ, ոգով եւ բովանդակութեամբ ՀԱՅԿԱԿԱՆ պետութիւն ունենալու համար էին:
Պետութիւն, որը չի հրաժարւում իր պատմութիւնից, իր արմատներից եւ համազգային իղձերից, այլ դառնում է համայն հայութեան անվտանգութեան, արժանապատուութեան եւ ստեղծարար ներուժի պաշտպանն ու ջատագովը:
Այսօր, երբ կանգնած ենք մեր ինքնութեան խաթարման եւ պետականութեան թուլացման ճակատագրական վտանգների առջեւ, Հայ յեղափոխական դաշնակցութիւնը վերահաստատում է իր անխախտ դիրքորոշումը`
. Պաշտպանե՛լ մեր ինքնութիւնն ու արժէքները,
. Պայքարե՛լ յանուն իրապէս ինքնիշխան, ազգային արժէքների վրայ խարսխուած եւ անվտանգ Հայաստանի,
. Վերականգնե՛լ համազգային միասնականութիւնն ու համախոհութիւնը` ի պաշտպանութիւն մեր պետականութեան եւ հաւաքական իրաւունքների:
Մեր պայքարը շարունակւում է: Հայկական պետութիւնը պիտի ապրի՛ եւ յարատեւի՛ իր բուն էութեամբ ու առաքելութեամբ:
Կեցցէ՛ անկախ Հայաստանի Հանրապետութիւնը եւ աշխարհասփիւռ հայ ժողովուրդը:
Խոնարհո՛ւմ մեր բոլոր նահատակների անմար յիշատակին:
ՀՅԴ ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ
21 սեպտեմբերի 2026, Երեւան